Somalia - Agaasimaha guud ee wasaarada arimaha dibada ee Somalia Maxamed Cali Jaamac ayaa ku dhawaaqay ineeysan Dowlada Somalia xiligaan kutala jirin in ay aqoonsato gooni isutaaga Abkhazia iyo South Ossetia oo u dhawaan Wadanka Russia ku dhawaaqay inuu aqoonsanyahay gooni isutaagooda.

Sidoo kale ayuu wuxuu sheegay Agaasimihu ineeysan habayaraate sal iyo raad laheeyn oo aysana waxba kajirin hadalka kasoo yeeray safiirka Soomaalia u fadhiya Dalka Russia Xandulle, kasoo sheegay in Dowlada Somalia ay aqoonsatay Gooni isu taaga Gobolada Abkhazia iyo South Ossetia kuwaaso katirsan Wadanka Georgia.

Hadalkaan ayuu Agaasimihi kasheegay maanta shir jaraa’id oo uu ku qabtay magaalada Muqdisho, asgoona kabixiyay raali galin hadalkii dhawaantan kasoo yeeray Safiirka Somalia ee Dalka Russia,tasoo u yiri saxaafada Caalamku ayaa aad u bun buunisay hadal aan munasab aheeyn, wakhtigiisina aan gaarin, waa sida u hadalka u dhigaye, wuxuuna ugu danbeyntii sheegay in safiirka lagu war galiyay inuu dalka kusoo laabto si u sharaxaad ooga bixiyo sabaabah hadalkaan keenay.

 Hassan C

Allidamaale.com kalasoco warar xaqiiqada kusaleeysan