Halkaan ka daawo sawiradii Toronto
Waxaa caawo lagu qabtay xaflad casho sharaf ah oo si heer sare loo soo abaabulay Holiday Inn, ee Magaalada Toronto ee wadanka Kanada.
Xafladdaas oo lagu soo dhaweynayey musharxa dowled goboleedka Puntland Mudane Nuuradiin Aadan Diiriye oo ka soo laabtay Puntland ka dib markii uu booqasho Muddo seddex toddobaad ah qaadatay uu ku soo maray cariga Puntland.



Waxaa xafladdii xalay ka soo qeybgalay dad kor u dhaafey 500 oo qof oo rabay in ay la kulmaan ama dhageystaan musharaxan cusub. Waxaa kamid ahaa waxgaradkii xaflada kasoo qeyb galay Naasir Cabdi Baale, Suldaan C/Raxmaan Olol Diinle, Xaaji Daahir, C/Raxmaan Xaaji Nuur Shaganle, Caddow Maxamed Gacal iyo C/Laahi Ciise.



Waxaa xafladda daadihinayey Burhaan Warsame Cabdi iyo C/Fitaax Aadan Warsame C/Fitaax Marayare. Ugu horeyntii waxaa xafladda lagu furay aayado quraanka kariimka ah. Kadib waxaa halkaa ka hadlay waxgaradka iyo odayaasha magaalada Toronto, dadkii halkaa ka hadlay oo ay kamid ahaayeen Siciid Yuusuf Diiriye, C/Wali Maxamed Caligaas, C/Raxmaan Xoosh waxay dhamaantood si diiran usoo dhaweeyeeen musharaxa madaxtinimida Puntland Mudane Nuuradiin Aadan Diiriye.



Intaa ka dib waxaa uu codbaahiyaha ku oo dhaweeyey Murashaxa Mudane Nuuradiin, taasoo oo ugu horeyntii uga mahadceliyey jaaliyadda magaalada Toronto sida diirran ee ay ugu soo dhaweeyeen waddanka Kanada.



Nuuradiin waxaa uu si faahfaahsan uga hadlay arrimaha Puntland ka taagan sida amaan darada, caafimaad darada, dhaqaalaha iyo sicir bararka baahsan, waxbarashada iyo mustaqbalka oo u baahan in si wadajir ah wax looga qabto, iyadoo kaalin mug leh ay ka qaadanayaan dadka reer Puntland meel walba oo ay joogaan dibada iyo gudahaba.



Waxaan hada ka imid wadankii waxaana la kulaney lana soo hadalley isimadda,nabadoonada iyo cuqaasha dhamaan goboladda Puntland sida Bari, Karkaar, Sanaag, Sool, Nuugaal iyo Mudug. Waxaan xaaladda wadanka si qotodheer uga soo wadahadallay aqoonyahanka iyo dhamaanba qeybaha kala duwan ee bulshada reer Puntland deegaanada kala duwan ee aan safarka ku tagney. Waxaan sidoo kale xaaladaha amaanka iyo dhaqaalahaba kala soo sheekeysaney ganacsatada iyo ururada bulshada sida haweenka iyo dhalinyaradaba.



Waxaa maanta Puntland iyo Soomaaliyaba kajira nolol aad u adag, qofka noloshiisa waxay ku eg tahay 37 sano “life expectancy”, afartii sano ee lasoo dhaafay waxaa ku umul raaacay ama ku dhintay Puntland foosha tobon kun oo hooyo, waxaa iskuul ka aada sadex tobonkii caruura.


Waxaan cidina ka dahsooneyn in dhibaatooyinkaas aan kor ku soo sheegney ay sabab u tahay maamul xumo, aqoon darro, eex, caddaalad darro iyo ammaano xumo isbiirsadey loona baahay yahay isbadal dhab ah oo xag walba leh si loogaaro horumar la taaban karo. Xaga dhaqaalaha Puntland waa wadan hodan ah ilaahayna ku manaystay kheyraad dabiici ah sida kaluumeysiga, dhagaxa buuraha kujira oo loo yaqaan dhuxusha cad, xoolaha nool, saliida ceyriin “oil”.



Nuuradiin waxa uu hadalkiisii kusoo gabagabeeyey waxaan aaminsanahay hadii lahelo maamul daacad iyo aqoon leh in wadankii ladaba qaban karo xag amaan, dhaqaale, waxbarasho iyo caafimaadba.
Siciid Cali Nugaal
Madaxa Xiriirka Bulshada
Ololaha Doorashada Nuradiin Aaden Diiriye
www.nuradindirie.com