Ciidamada booliska DFS oo gacanta ku dhigay mootooyin geysanayay falal amni daro

Posted Date: 11 Oct 2018   in: news,Puntland,Somalia     0 Comments

Ciidamada booliska Soomaaliya ayaa hawlgal ay sameeyeen waxa ay ku soo qabteen mootooyin isugu jira Bajaaj iyo kuwa labada lugood leh ee loo yaqaano VIKON.

Hawlgalkan ayaa waxaa ka wada qeyb galay maamulka degmada Boondheere, ciidamada booliska iyo shacabka ku dhaqan degmadaasi.

Mootooyinkan oo lagu soo bandhigay saldhigga booliska degmada Boondheere ayaa waxaa qaar waxaa looga shakiyay inay lidi ku ahaayeen ammaanka halka qaar kalena ay sumad la’aan ahaayeen.

Taliye kuxigeenka booliska degmada Boondheere ee gobolka Banaadir Shariif Cabdulle Taakow ayaa wuxuu sheegay inay soo qabteen 19 mooto, wuxuuna tilmaamay in sharciga la horgeyn doono.

Guddoomiyaha degmada Boondheere ee gobolka Banaadir Seynab Yuusuf Wehliye ayaa dhalinyarada dhibaatada geysata ugu baaqday inay ka waantoobaan falalka ay geystaan.

“Dadkii mootooyinka ku qaraaban jiray waan soo qabanay intooda badan, kuwa kalena waan ku daba jirnaa, waxaan rajeynaynaa inaan ammaan ka dhigno degmada Boondheere, waxaan ku baaqayaa inay wada shaqeyn buuxda yeeshaan shacabka iyo ciidamada ammaanka.

Leave a Reply

Your email address will not be published. Required fields are marked *

Allidamaale