Guddoomiye kuxigeenka Baarlamaanka Hirshabeelle oo ku dhaawacantay shil gaari

Posted Date: 18 May 2017   in: news,Puntland,Somalia     Comments Comments

Guddoomiye kuxigeenka labaad ee Baarlamaanka Maamulka Hirshabeelle Canab C/llaahi Ciise ayaa saaka ku dhaawacantay shil, kaddib markii gaari ay saarneyd uu ku qalibmay duleedka magaalada Jowhar.

Wararka ayaa sheegaya in Guddoomiye kuxigeenka ay soo gaartay dhaawac fudud, iyadoo bur bur xooggan uu soo gaaray gaarigii ay la socotay.

Guddoomiye kuxigeenka ayaa ku sii socotay magaalada Muqdisho, waxaana gaarigeeda uu shil ku galay Tuulada Boorow oo qiyaastii magaalada Jowhar u jirta 15KM.

Marwo Canab ayaa hada lagu daweynayaa Isbitaalka magaalada Jowhar, inkastoo la sheegayo in dhaawaceeda aanu sidaa u weyneyn.

Wadada isku xirta Muqdisho iyo Jowhar ayaa ah mid aad u bur bursan, waxaana ka dhaca mararka qaar ka dhaca shilal sababa dhimasho iyo dhaawac.

Allidamaale