Maamulka Gobolka Banaadir oo saaka dib u furay waddo sababo amni u xirneyd

Posted Date: 12 Aug 2017   in: news,Puntland,Somalia     Comments Comments

Maamulka Gobolka Banaadir ayaa saaka ku guuleystay in dib loo furo waddo muhiim ah oo isku xirta Isgoyska Shaqaalaha iyo KPP, taasoo in muddo ah u xirneyd sababo amni.

Wadadan oo ah laami ayaa u xirneyd Hey’adda Socdaalka iyo Jinsiyadda, gaar ahaan dhanka dhismaha Guriga Shaqaalaha ee hadda noqotay xarunta Baasaboorada laga bixiyo.

Maamulka Gobolka Banaadir ayaa sheegay in wadadan ay halbowle u tahay isu socodka qeybo ka mid ah degmooyinka Gobolka Banaadir.

Wadadan ayaa fududeyneysay marka wadada Maka Al-Mukarama uu noqdo mashquul in la aado waddooyinka kale, sidoo kale gaadiidka raba inuu aado dhanka Isgoyska KPP ayaa ku qaadaneysay inuu soo maro waddo wareeg aheyd.

Wasiirka Amniga Gudaha Maxamed Abuukar Islow iyo Guddoomiyaha Gobolka Banaadir ahna Duqa Muqdisho Taabid Cabdi Maxamed iyo mas’uuliyiin kale ayaa tagay wadada xirneyd, waxayna halkaas kaga dhawaaqeen in wixii hada ka dambeeya ay furan tahay wadada.

Allidamaale